"Отбасылық құндылықтар ағашы" тренинг

Жаңажол ауылының негізгі орта мектебінің психологы Киргизбай Турар Қайырғалиқызының ұйымдастыруымен "Отбасылық құндылықтар ағашы " тақырыбында 9 сынып оқушыларымен тренинг сабақ өткізілді. Мақсаты: Отбасы құндылығын дәріпттеу, отбасылық өнеге, жағымды қарым-қатынас дағдыларын арттыру. Тренинг барысында оқушылар "Алтын ұя", "Берекелі отбасы" топтарына бөлініп /Татулық, тыныштық, талап, тазалық,тәртіп/ сөздерінің мәнін ашуда отбасы жағдайындағы өз ой-пікірлерімен бөлісті. Сонымен қатар психологиялық жағдаяттар арқылы "Мен нұрмын", "Мен нұрлымын", "Нұр менің ішімде" тақырыптар арқылы өн бойындағы қасиеттері арқылы оқушылар пікіралысты. Оқушылар назарына отбасы құндылығы аясында бейнебаян ұсынылып, сұрақ-жауаптар арқылы екі топ алған әсерлерімен бөлісті. Шара соңында "Отбасы құндылықтар ағашы" тақырыбында постер қорғады. Бір-біріне ізгі тілектерін жолдады. Ең бастысы отбасы тәрбиесіндегі әр обасы мүшесінің рөлі туралы, өнегелік істері жайлы ойларын ортаға салып тренингтен алған әсерлерімен бөлісті.